Mwakoze kuba natwe uyu munsi muri iyi gahunda y'amakuru yo mu buryo bw'aka kanya. Ni ah'ejo.
Ibitero bikomeye bya Ukraine byangije ibikorwaremezo byohereza ibinyampeke mu Burusiya ku Nyanja y’Umukara
Nk'uko abategetsi bo muri ako gace babitangaje, abantu batatu, barimo umwana w'imyaka umunani, bahitanywe n'ibi bitero byabaye nijoro, naho abandi 24 barakomereka.
Incamake
- RD Congo: Ikiza cya Ebola cyageze mu yindi ntara
- Centrafrique: Ambasaderi w'Ubufaransa ushinjwa imyitwarire mibi mu rugo arihirwa na leta ashobora guhanwa
- Ayra Starr avuga ku rukundo rwe rw'ibanga ndetse n'uko yasetsaga Stevie Wonder mu buryo bw'urwenya
- Malawi izahura na Cameroon ku mukino wa nyuma w'Igikombe cy'Afurika cy'Abagore nyuma yo gutsinda Algeria ibitego 3-1 mu mukino wabaye mu ijoro ryakeye.
- Tedros Adhanom Ghebreyesus yabwiye abanyamakuru ko icyorezo cya Ebola muri DR Congo nigikomeza kwiyongera nk'uko biri kugenda ubu kizarenza icyabaye hagati ya 2014 na 2016, cyahitanye nibura abantu 11,000.
- Amamiriyoni y'abantu hirya no hino ku mugabane wa Buraya baraye biboneye ubwirakabiri bw'agatangaza batari bwigere babona muri ako karere k'isi mu myaka hafi 30.
- Travis Kelce yavuze bwa mbere ku bukwe bwe na Taylor Swift, ati: "Ni ryo joro ryiza kurusha ayandi mu buzima bwanjye"
- Abanyagihugu ba Zambia baritaba amatora y'umukuru w'igihugu n'ay'abashingamateka, igipimo kuri ikigihugu gifatwa nka kimwe mu bihugu vya Afrika vya mbere birangwa n'intwaro ya demokarasi ishinze imizi.
- Ibitero bikomeye bya Ukraine byangije ibikorwaremezo byohereza ibinyampeke mu Burusiya ku Nyanja y'Umukara bihitana abantu batatu, barimo umwana w'imyaka umunani
- Amerika irarakariye mu buryo butamenyerewe incuti yayo Israel, inyuma y'uko umushikiranganji w'ukwivuna abansi wa Israel ashimangiye ko ingabo ziwe zizoguma mu bumanuko bwa Libani.
Amakuru y'ikibiriraho
Bernard Bankukira, Didier Bikorimana na Latifa Mutesi
RD Congo: Ikiza cya Ebola cyageze mu yindi ntara
Ahavuye isanamu, AFP via Getty Images
Umukuru w’ikigo cy’Afurika cyo kurwanya no kwirinda indwara (Africa CDC), Dr Jean Kaseya, yabwiye abanyamakuru kuri uyu wa kane ko umurwayi yapfiriye i Buta, umujyi mukuru w’intara ya Bas-Uélé, mu majyaruguru ashyira uburasirazuba bwa Repubulika ya Demokarasi ya Congo, yishwe na Ebola.
Uko kwiyongera kw’indi ntara gutumye umubare w’intara zibasiwe n’iki kiza ugera ku ntara esheshatu: Tshopo, Haut-Uélé, Kivu ya Ruguru, Kivu y’Epfo, Ituri, hamwe rero na Bas-Uélé.
Intara ya Ituri ni yo yibasiwe cyane n’iki kiza, aho 90% by’abemejwe ko banduye Ebola bagaragaye muri iyo ntara.
Iki kiza, cya 17 kibayeho mu mateka ya DRC, cyatangajwe bwa mbere hagati muri Gicurasi (5) uyu mwaka, nubwo byibazwa ko gishobora kuba cyari kimaze igihe gihari ariko kitaratahurwa.
Imibare iheruka gutangazwa na leta ya DRC igaragaza ko abantu 4,566 banduye iyo virusi ya Ebola yo mu bwoko bwa Bundibugyo, naho abandi 2,128 yarabishe mu mezi hafi atatu ashize igaragaye.
Izindi nkuru wasoma:
Centrafrique: Ambasaderi w'Ubufaransa ushinjwa imyitwarire mibi mu rugo arihirwa na leta ashobora guhanwa
Ahavuye isanamu, AFP via Getty Images
Insiguro y'isanamu, Bruno Foucher ni Ambasaderi w'Ubufaransa muri Centrafrique kuva mu mwaka wa 2023 Ubufaransa bwatangiye ibikorwa byo gusuzuma imyitwarire kuri ambasaderi wabwo muri Centrafrique ushinjwa imyitwarire mibi.
Ibi byamenyekanye nyuma yuko inkuru yo mu kinyamakuru cyo mu Bufaransa gisohoka rimwe mu cyumweru ivuze ko Ambasaderi Bruno Foucher ashinjwa kujyana mu rugo arihirwa n'igihugu cye abagore babarirwa muri za mirongo ndetse agakorana imibonano mpuzabitsina na bamwe muri bo. Nta cyo aratangaza ku mugaragaro.
Ibyo birego, bivuga ku bintu bivugwa ko byabaye hagati ya Mutarama (1) mu 2024 na Werurwe (3) muri uyu mwaka wa 2026, byatumye minisiteri y’ububanyi n’amahanga y’Ubufaransa ikora amaperereza ku kuba hashobora kuba harabayeho kurenga ku mabwiriza y’umutekano.
Umudipolomate w’Umufaransa yabwiye BBC ko iyo minisiteri yatangije ibikorwa byo mu rwego rw’imikorere kuri uwo ambasaderi, avuga ko ubu “bikomeje”.
BBC yasabye ambasade y’Ubufaransa mu murwa mukuru Bangui wa Centrafrique kugira icyo ivuga kuri ibi.
Ntibisobanutse ibikubiye muri ibyo bikorwa byo mu rwego rw’imikorere birimo kuba kuri Foucher cyangwa igihe bizamara.
Amakuru yo mu kinyamakuru Le Canard enchaîné avuga ko Foucher ashinjwa gutumira i Bangui abagore bagera hafi kuri 30 mu rugo arihirwa na leta y'Ubufaransa.
Bamwe muri abo bagore bivugwa ko baharaye, ibyo bikaba bituma habaho kugira impungenge ku mutekano.
Foucher, w’imyaka 65, ni Ambasaderi w’Ubufaransa i Bangui guhera mu mwaka wa 2023.
Izindi nkuru wasoma:
Ayra Starr avuga ku rukundo rwe rw’ibanga ndetse n’uko yasetsaga Stevie Wonder mu buryo bw’urwenya
Ahavuye isanamu, Getty Images
Hari abantu bagira imbaraga zo kwihangana, ariko Ayra Starr we ni umuntu udacika intege na gato.
Ibyumweru bibiri mbere yo gushyira hanze album ye nshya yise "Starrgirl", uyu muhanzikazi w'Umunya-Nigeria yatunguye abakunzi be ubwo yashyiraga ku mbuga nkoranyambaga ifoto ari mu bitaro, nyuma yo kubagwa bikomeye.
Yabwiye abafana be ko yari yizeye gukira vuba, ariko ko ibintu byagoranye kurusha uko abaganga bari babyiteze. Ntabwo yigeze atangaza neza uburwayi cyangwa ikibazo cyatumye abagwa.
Mu gihe kitarenze iminsi irindwi, yari yasubiye mu myitozo yo kubyina yitegura ibitaramo bye, n'ubwo yari agifite igipfuko kinini ku nda. Yakomeje kwitabira ibiganiro kuri televiziyo, guhura n'abafana ndetse no gukora ibitaramo.
Ayra Starr yatangiye kumenyekana afite imyaka 18, ubwo yashyiraga kuri YouTube amashusho aririmba indirimbo z’abandi bahanzi.
Ahavuye isanamu, Ayra Starr
Yabaye umugore wa mbere wo muri Afurika wegukanye igihembo cya Best International Act muri Mobo Awards, ndetse aba n’umugore wa mbere wo muri Nigeria wagejeje amashusho y’indirimbo ze kuri YouTube ku bantu barenga miliyari imwe bayarebye.
Mu 2024, yongeye gukora amateka ubwo yabaga umuhanzi wa mbere wa Afrobeats uririmbiye ku rubyiniro rukuru rwa Pyramid Stage mu iserukiramuco rya Glastonbury. asoje icyo gitaramo yavuze ko azagaruka kuhataramira nk’umuhanzi mukuru.
Urugero rugaragaza imiterere ye ni igihe Stevie Wonder, umuhanzi w’icyamamare mu muziki, yamuhamagaye kuri telefoni kugira ngo amwifurize ishya n’ihirwe mu kuba yari yatorewe igihembo cya Grammy.
Ayra Starr yahise atangira gutebya na we/kumusetsa ku bijyanye n’ibimenyetso by’inyenyeri (zodiac signs).
Yagize ati: “Nageragezaga kumurusha amagambo buri kanya, na we akagerageza kundusha. Byari bimeze nk’aho turi mu mpaka z’urwenya.”
Nyuma Ayra Starr yageze aho abwira Stevie Wonder, ufite ikimenyetso cya Taurus, ati “Abantu ba Taurus nta cyo bamaze.”
Yongeyeho ati: “Nzi neza ko yibajije, 'Uyu muntu ni nde koko? Aranshakaho iki?’ Ariko byari ikiganiro gishimishije cyane. Ndabyubaha.”
Nubwo uburyo yakoresheje bwo kuganira n'icyamamare nka Stevie Wonder busa n'ubudasanzwe, Ayra Starr avuga ko bigaragara ko bimugirira akamaro.cAyra Starr yavuze ko indirimbo "Where Do We Go" yayanditse ayikomoye ku rukundo rw'ibanga yari arimo, rwari rumaze igihe rutagira aho rugana, ariko agakomeza kurugarukamo.
Yagize ati: “Ndi umuntu ukunda kwigomeka, kandi nkunda guhuza ibintu bitandukanye.”
Yongeraho ati: “Sinkunda kuba umuntu usanzwe kandi urambirana. Ni yo mpamvu igitekerezo cyo kwandika indirimbo ivuga ku mutima wakomeretse, ariko ikaba iri mu njyana ushobora kubyinaho, cyaranshimishije cyane. Nkunda ibintu nk’ibyo.”
Starr yavuze ko "Twese tujya duhura n'ibyo bihe.” Biroroshye cyane gukomeza kubana cyangwa gukundana n'umuntu utujuje neza ibyo wifuza, kubera ko uba waramumenyereye kandi akakubera umuntu usanzwe umenyereye kubana na we.
Ayra Starr yemeye ko gutekereza gutangira urukundo rushya n'undi muntu byamuteraga ubwoba.
Yagize ati: “Uba usubiye ku ntangiriro, maze undi muntu akongera kukubaza nk’ibara ukunda kurusha ayandi. “ Nkibaza nti: ‘Mana yanjye! Ntabwo twabireka se?’”
Nubwo yakomeje uwo mubano, ikibazo cyari uko wamwangirizaga ubuzima muri rusange.
Ati: "Iyo wemeye ibintu biri munsi y'urwego rwawe, bigira ingaruka ku bintu byose. Iyo wiretse mu buryo bw'amarangamutima no mu rukundo, bigira ingaruka ku mubiri, ku muziki no ku buzima bwawe muri rusange."
Yongeraho ati: “Nubwo nishimiye uwo mubano igihe wamaze, nahisemo iby’ingenzi kuri jye. Uwo mubano ntiwari ufite agaciro kangana n'umuziki wanjye cyangwa izindi ntego zanjye."
izindi nkuru wasoma:
Football – Malaga Vs Fulham: Urukino rwarangiye mu buryo butamenyerewe
Ahavuye isanamu, Fulfam/website
Urukino rwa kivandimwe hagati y’umurwi Malaga wo muri Espagne n’umurwi Fulham wo mu Bwongereza rwarangiye mu buryo butamenyerewe mu mupira w’amaguru, aho abakinyi ba Fulham banse kwitabira igice c’amapenalti.
Uru rukino rwari rwarangiye imirwi yompi inganya ibitsindo 2-2. Ariko umumenyereza wa Fulham yaciye ategeka abakinyi biwe kuva mu kibuga, avuga ko ata mwanya bari basigaranye wo gutera penaliti, kugira ngo indege ibatahana ntihave ibasiga.
Malaga yaciye itangazwa ko yatsinze, ihabwa igikombe citwa Costa del Sol Trophy, inyuma y’aho umwe mu bakinyi bayo ateye penaliti ayinjiza mw’igori ritagira umunyegori.
Ubuyapani buriyamiriza urugendo rwa Putin mu mazinga ateje impari
Ahavuye isanamu, AFP via Getty Images
Ubuyapani bwatangaje ko bwiyamirije bwivuye inyuma urugendo Perezida Vladimir Putin w’Uburusiya yagiriye mu mazinga amaze igihe kirekire ateje impari hagati y’Uburusiya n’Ubuyapani.
Ibinyamakuru vya reta y’Uburusiya vyatangaje kuri uyu wa kane ko Putin yagendeye izinga rya Iturup, rizwi mu Buyapani nka Etorofu, rimwe mu mazinga ane agize akarere ka Kuril buri ruhande rwiyitirira.
Umushikiranganji w’imigenderanire y’Ubuyapani n’ayandi makungu, Toshimitsu Motegi, yavuze ko ayo mazinga ari “ubutaka bw’Ubuyapani kuva muri kahise ari na ko biri mu mategeko mpuzamakungu”, ari co gituma “Reta y’Ubuyapani yiyamirije cane uru rugendo”.
Ibi bihugu vyompi bimaze imyaka mirongo biri mu mpari kuri iki kibazo c’amazinga ya Kuril.
Izi mpari ni nazo zatumye ahanini Uburusiya n’Ubuyapani bidashira umukono ku masezerano y’amahoro inyuma y’Intambara ya Kabiri y’Isi Yose.
Amazinga ya Kuril ari hagati y’uturere twa Hokkaido, mu buraruko bw’Ubuyapani, hamwe na Kamchatka mu Burusiya. Ubuyapani bwiyitirira amazinga ane ari mu bumanuko bwa Kuril, bukayita Intara zo mu Buraruko.
Aya mazinga atwarirwa mu butegetsi bw’Uburusiya. Igihe intambara ya Kabiri y’Isi Yose yahera, Ubumwe bw’Abasoviyeti bwarigaruriye ayo mazinga, buca bwirukana Abayapani bagera ku 17.000 bahaba.
Mu rugendo rwiwe rwo kuri uyu wa kane, Putin yafunguye ku magi y’amafi yongera aganira n’abanyagihugu baho, nk’uko vyatangajwe n’ibinyamakuru vya reta y’Uburusiya.
Ayo mazinga ni kirumara ku bikorwa vya gisirikare vy’Uburusiya, aho Iturup ikoreshwa nk’ikigo nyamukuru c’ingabo z’Uburusiya zirwanira mu kirere muri ako karere.
Mu kwezi guheze, amato y’intambara y’Ubushinwa n’Uburusiya yaraciye mu muhora uri hagati y’ayo mazinga ya Kuril mw’irondo rusangi.
Mu mwaka uheze na ho, Uburusiya bwarakoze imyimenyerezo ya gisirikare hafi y’ayo mazinga, igikorwa ciyamirijwe n’Ubuyapani.
Malawi izahura na Cameroon ku mukino wa nyuma w’Igikombe cy'Afurika cy’Abagore
Ahavuye isanamu, BACKPAGE PIX
Ikipe y'igihugu ya Malawi y'abagore yakomeje gutangaza benshi mu mikino y'Igikombe cy'Afurika cy’Abagore (WAFCON) nyuma yo gutsinda Algeria ibitego 3-1 mu mukino wabaye mu ijoro ryakeye, ihita ibona itike yo gukina umukino wa nyuma uzayihuza na Cameroun nk'uko tubikesha ibiro ntaramakuru Reuters.
Cameroon na yo yabonye itike yo gukina umukino wa nyuma nyuma yo gutsinda Maroc, yari yakiriye iri rushanwa, kuri penaliti 3-1 nyuma y'aho iminota isanzwe n'iy'inyongera yari yarangiye amakipe yombi anganya 0-0.
Malawi iri gukina Igikombe cy'Afurika cy’Abagore ku nshuro ya mbere, ariko yatangiye irushanwa itungura benshi itsinda Nigeria, yari ifite igikombe, mu mukino wayo wa mbere wo mu matsinda. Nyuma yaje no gutsinda Ghana muri kimwe cya kane cy’irangiza.
Imikino ya nyuma y’Igikombe cy'Afurika cy’Abagore yanabaye imikino yo gushaka itike y’Igikombe cy’Isi cy’Abagore kizaba umwaka utaha muri Brazil, aho amakipe ane yageze muri kimwe cya kane cy’irangiza yahise abona itike.
Ku mukino wahuje Maroc na Cameroon, Maroc yahawe penaliti itaravuzweho rumwe hasigaye iminota ibiri ngo iminota y’inyongera irangire, nyuma y’isuzuma rya VAR. Gusa, umukinnyi Fatima Tagnaout ntiyabashije kuyinjiza kuko umunyezamu wa Cameroon yayikuyemo.
Mu gutera penaliti, umunyezamu wa Cameroun Michaely Bihina yakomeje kwitwara neza akuramo izindi penaliti eshatu. Nyuma, umukinnyi ukiri muto Myriam Nyadjou yinjije penaliti ya nyuma yahesheje Cameroun itike yo kugera ku mukino wa nyuma.
Umukino wa nyuma uzakinwa ku cyumweru i Rabat muri Maroc, niwo uzerekana igihugu gishya kizaba giserukiye afurika. Mu mateka y’iri rushanwa, ibihugu byigeze kuryegukana ni Nigeria, Afurika y'Epfo ndetse na Guinea Equatorial.
Izindi nkuru wasoma:
Ayandi makuru yacu mushobora kuyakurikira kuri YouTube kuri BBC News Gahuza
OMS: Icyorezo cya Ebola muri DR Congo gishobora kuzahitana benshi kurusha ibindi byose byabayeho
Ahavuye isanamu, EPA
Umuyobozi mukuru w’Ishami ry’Umuryango w’Abibumbye ryita ku Buzima (OMS/WHO) yavuze ko icyorezo cya Ebola kiri muri Repubulika ya Demokarasi ya Congo gishobora kurenza ibyorezo byahitanye abantu benshi kurusha ibindi byose byabayeho mbere.
Tedros Adhanom Ghebreyesus yabwiye abanyamakuru ko, “nigikomeza kwiyongera nk'uko biri kugenda ubu,” kizarenza icyabaye hagati ya 2014 na 2016, cyahitanye nibura abantu 11,000.
Iki cyorezo cyatangajwe ku mugaragaro ku wa 15 Gicurasi (5), ariko inzego z'ubuzima zivuga ko bishoboka ko cyari cyaratangiye nibura amezi atatu mbere y'aho.
Kugeza ubu hamaze kuboneka abarenga 4,300 banduye, mu gihe abarenga 2,000 bamaze gupfa.
OMS yavuze ku wa gatatu ko yizeye ko mu gihe cy’amezi atatu ishobora kuba yaragabanyije cyane ikwirakwira ry’iyo ndwara. Gusa, OMS yihanangirije ko ibi bitavuze ko icyorezo kizaba kirangiye burundu, ahubwo ko kizaba cyaragabanyijwe cyane.
Iki cyorezo cyatewe n'ubwoko bwa virusi ya Ebola buzwi nka Bundibugyo, bumaze kugaragara inshuro ebyiri gusa mu mateka, aho bwagaragaraye mu mwaka wa 2007 no mu 2012.
Kugeza ubu, nta rukingo rwemewe cyangwa imiti yihariye yemewe yo kuvura ubu bwoko bwa Ebola iraboneka.
Iki cyorezo cyibasiye cyane uburasirazuba bwa RDC, ahakomeje kugaragara ibibazo by'umutekano muke. Ibi byatumye kugenzura ikwirakwira ryacyo bigorana.
Umuyobozi wa OMS muri Afurika, Mohamed Janabi, yavuze ko kubera izo mbogamizi, abakozi bo mu rwego rw’ubuzima bagera kuri 30% gusa by’abanduye.
Ebola ni indwara ikomeye iterwa na virusi kandi ishobora guhitana umuntu mu gihe gito. Ibimenyetso byayo bishobora kugaragara hagati y'iminsi 2 na 21 nyuma yo kwandura.
Mu ntangiriro, umuntu ashobora kugira ibimenyetso bisa n’ibya grippe cyangwa malaria, birimo kugira umuriro, kubabara umutwe no kugira umunaniro, kandi bishobora gutangira mu buryo butunguranye.
Uko indwara ikomeje gukara, umuntu ashobora kuruka no guhitwa, bikaba byanageza ku kwangirika kwa zimwe mu ngingo z’umubiri.
Virusi ya Ebola yandurira cyane cyane mu gukorana cyangwa guhura n'amazi ava mu mubiri w'uwanduye, nk'amaraso, amacandwe cyangwa ibirutsi.
Mu Bwongereza, ikigo gishinzwe kugenzura imiti n'inkingo (MHRA) cyamaze kwemerera abashakashatsi gutangira igerageza rya mbere ku bantu ry'urukingo rugamije kurwanya ubwoko bwa Bundibugyo.
Uru rukingo rurimo gukorwa n'abahanga bo muri Kaminuza ya Oxford, bakoresheje ikoranabuhanga nk'iryakoreshejwe mu gukora urukingo rwa Oxford-AstraZeneca rwakoreshejwe mu kurwanya COVID-19.
Hari n'andi matsinda atatu y'abashakashatsi ari guteza imbere izindi nkingo zo kurwanya ubu bwoko bwa Ebola, nubwo zitaratangira kugeragerezwa ku bantu.
OMS kandi iri gutera inkunga irindi geragezwa ry’ubuvuzi rikorerwa ku bantu muri RDC igamije kureba niba imiti ibiri isanzwe ikoreshwa mu kurwanya virusi ishobora kongera amahirwe yo kurokoka ku barwaye Ebola.
Izindi nkuru wasoma:
Ayandi makuru yacu mushobora kuyakurikira kuri YouTube kuri BBC News Gahuza
Amamiriyoni y’Abanyaburaya biboneye ubwirakabiri batari bwigere babona mu myaka hafi 30
Ahavuye isanamu, Reuters
Amamiriyoni y’abantu hirya no hino ku mugabane wa Buraya baraye biboneye ikintu kidasanzwe: ubwirakabiri bw’agatangaza batari bwigere babona muri ako karere k’isi mu myaka hafi mirongo itatu iheze.
Abari ku murongo w’ibihugu vya Espagne mu gice c‘uburaruko, ugaca muri Iceland no gushika mu bice vya Groenland, biboneye izuba rizimangana burundu igihe ukwezi kwaca imbere yaryo.
Abantu bari ku birometero amajana ku mpande zompi z'uwo murongo, na bo nyene barabonye ingene igice c’izuba cazimanganye mu kirere cari gikeye cane.
Ku rugero rusanzwe, ubwirakabiri bwuzuye, aho izuba rizibirwa ryose buraba ahantu kw'isi n'imiburiburi buri mezi cumi n'umunani, ariko bishobora gufata imyaka amajana kugira ngo ikintu nk’ico gisubire kuboneka ahantu hamwe nyene.
Igitangaje ni uko Espagne izosubira kwibonera ubundi bwirakabiri muri Myandagaro (8) umwaka uza. Buzobera mu bumanuko bw'ico gihugu, bukazoboneka kandi no mu buraruko bwa Afrika hamwe no mu karere ka Arabia (kagizwe n’ibihugu vya Arabia Sawudite, Yemen, Oman, Emira Zunze Ubumwe z’Abarabu, Qatar, Koweit, hamwe na Bahrain).
Ahavuye isanamu, PA Media
Insiguro y'isanamu, Mu Bwongereza, isinzi ry'abantu bahuriye ku gasozi kitwa Calton Hill mu karere ka Edinburgh kugira barahe ubwirakabiri Travis Kelce yavuze bwa mbere ku bukwe bwe na Taylor Swift, ati: "Ni ryo joro ryiza kurusha ayandi mu buzima bwanjye"
Ahavuye isanamu, Jason Howard/Bauer-Griffin/GC Images
Umukinnyi w’umupira w’amaguru wo muri Amerika (American football), Travis Kelce, yavuze ku bukwe bwe na Taylor Swift, avuga ko uwo munsi wari "ijoro ryiza kurusha andi yose mu buzima bwanjye."
Kelce na Swift basezeranye ku wa 3 Nyakanga (7) mu muhango wabereye muri Madison Square Garden i New York. Uwo muhango wari witabiriwe n’ibyamamare byinshi, ariko amakuru menshi awuvugaho yagizwe ibanga.
Kugeza ubu, amakuru make cyane ni yo yari yaratangajwe ku byabereye muri ubwo bukwe. Ibyo Kelce yavuze ku wa gatatu ni byo bya mbere yari atangaje ku bukwe bwabo kuva we na Swift basezerana, mu muhango wayobowe n’umukinnyi wa filime uzwiho gusetsa Adam Sandler.
Kelce yavuze ko ubukwe bwari “ijoro ryiza kurusha ayandi yose mu buzima bwanjye”, ashimira abatumirwa babwitabiriye ndetse avuga ko bwari “ijoro ridasanzwe cyane.”
Uyu mukinnyi wa NFL (National Football League, irushanwa ry'umupira w’amaguru wo muri Amerika) ndetse n’umuhanzi watsindiye ibihembo byinshi bakomeje kugira ibanga amakuru menshi yerekeye ubukwe bwabo kandi kugeza ubu nta mafoto yemewe y’uwo muhango wabereye muri stade arashyirwa ahagaragara.
Mu bari bitabiriye uwo munsi harimo ibyamamare bikomeye bya Hollywood, birimo abakinnyi ba filime Hugh Grant na Jason Sudeikis, umuririmbyi Benson Boone, umunyamideli Gigi Hadid ndetse n’abandi benshi.
Kelce, uzuzuza imyaka 37 mu kwezi k’Ukwakira (10), amaze kwegukana ibikombe bitatu bya Super Bowl akinira ikipe ya Kansas City Chiefs.
Mu mwaka ushize, iyi kipe ntiyabashije kugera mu mikino ya nyuma ya NFL (playoffs) ku nshuro ya mbere mu myaka 10 ishize. Hari benshi batekereza ko shampiyona itangira ukwezi gutaha ishobora kuba iya nyuma kuri Kelce nk'umukinnyi wabigize umwuga, nubwo we ataravuga niba ateganya gusezera ku mupira.
Yagize ati: "Ndacyafite urukundo rwinshi rw’uyu mukino. Ndashaka kujya mu kibuga nkigaragariza ko nkiri umukinnyi ushoboye kurusha uko nagaragaye umwaka ushize."
Kelce yavuze kandi ko “gusubira mu kibuga buri gihe bizakomeza kuba ahantu yumva atekanye kandi yisanzuye.”
Yongeyeho ko gukorana cyane n’abandi bakinnyi, kumarana na bo igihe kinini no kubaka ubufatanye n’imikorere myiza y’ikipe ari ingenzi cyane, kandi ko uyu mwaka bashyizemo imbaraga nyinshi kurushaho.
Izindi nkuru wasoma:
Ayandi makuru yacu mushobora kuyakurikira kuri YouTube kuri BBC News Gahuza
Zambia mu matora y'umukuru w'igihugu n'ay’abashingamateka
Ahavuye isanamu, AFP via Getty Images
Abanyagihugu ba Zambia baritaba amatora y’umukuru w'igihugu hamwe n'abashingamateka, amatora afatwa nk'igipimo kuri ikigihugu gifatwa nka kimwe mu bihugu vya Afrika vya mbere birangwa n’intwaro ya demokarasi ishinze imizi.
Hagati aho, hari amakenga ko umwidegemvyo wa politike uriko urahungabana.
Umukuru w'igihugu, Hakainde Hichilema, ariko ararondera ikiringo ca kabiri. Benshi bamufata nk'uwufise amahirwe menshi yo gutsinda inyuma y'uko ashoboye gusubiza igihugu mu nzira y'iterambere ry'ubutunzi. Ariko rero, ubushomeri hamwe n'iduga ry’ibiciro vy'ivya nkenerwa mu buzima bwa minsi yose bikiri mu bibazo bikomeye bihanze Zambia.
Abakandida cumi na bane ni bo bari ku rutonde rw'abitoza, ariko benshi babona ko ihiganwa rikomeye riri hagati y'abakandida babiri gusa. Uwuhanganye cane na Hichilema ni Brian Mundubile, n’ihuriro ryiwe rishigikiwe cane n’abanywanyi w’uwahoze ari umukuru w'ico gihugu yitavye Imana, Edgar Lungu.
Kugira uwitoza atangazwe ko yatsinze mw’itora rya mbere, ategerezwa kuronka amajwi arenga ibice mirongo itanu kw'ijana. Mu gihe atayaronse, haca hatunganywa ayandi hagati y'abakandida barushije abandi.
Ayandi makuru ushobora gusoma:
Amerika irarakariye Israel ku kibazo ca Libani
Ahavuye isanamu, IDF
Reta Zunze Ubumwe za Amerika zarakariye mu buryo butamenyerewe incuti yayo Israel, inyuma y'uko umushikiranganji w'ukwivuna abansi wa Israel ashimangiye ko ingabo ziwe zizoguma mu bumanuko bwa Libani.
Ubushikiranganji bwa Amerika bujejwe imigenderanire n'ayandi makungu bwavuze ko bwiteze ko Israel yubahiriza amasezerano yerekana urupapuro rw’inzira asaba ko ingabo zayo zikurwa muri ako karere. Buvuga kandi ko bushigikiye ata guhigimanga ubusugire bw'ubutaka bwa Libani.
Uwo mushikiranganji, Israel Katz, yavuze ayo majambo mu rugendo yarimwo mu bumanuko bwa Libani, yongerako ko ingabo ziwe ziriko zirasenyura amazu yose ari muri ako karere.
Umushikiranganji wa mbere wa Libani, Nawaf Salam, yavuze ko iyi ngendo ya Israel yo kubomagura amazu n’ibigirankana ari uguhonyanga amategeko mpuzamakungu.
Amasezerano ategekanya ko Israel ikura ingabo zayo muri utwo turere mu gihe ingabo za Libani ziriko zirinjira kwaka ibirwanisho umuhari Hezbollah.
Mu gihe amatora yegereje muri Israel, imvugo z'abategetsi bamwe bamwe zibandanya kwerekana uburakari.
Ayandi makuru ushobora gusoma:
Ayandi makuru mushobora kuyakurira kuri YouTube kuri BBC News Gahuza
Ibitero bikomeye bya Ukraine byangije ibikorwaremezo byohereza ibinyampeke mu Burusiya ku Nyanja y’Umukara
Ahavuye isanamu, Volodymyr Zelensky/Telegram
Ibitero bikomeye bya Ukraine byifashishije indege zitajyamo abapilote (drones) na misile byagabwe ku cyambu cya Novorossiysk mu Burusiya ku Nyanja y'Umukara, byangije ibice bibiri bikomeye byifashishwa mu kohereza ibinyampeke mu mahanga ndetse binibasira ibirindiro bya nyuma bikomeye by’ingabo z’Uburusiya zirwanira mu mazi muri ako gace.
Nk'uko abategetsi bo muri ako gace babitangaje, abantu batatu, barimo umwana w'imyaka umunani, bahitanywe n'ibi bitero byabaye nijoro, naho abandi 24 barakomereka.
Perezida wa Ukraine, Volodymyr Zelensky, yavuze ko Kyiv yakoresheje misile, indege za gisirikare ndetse na drones zo mu mazi mu cyo yise “igikorwa kidasanzwe” kigamije kugaba igitero ku birindiro by’ingabo z’Uburusiya. Gusa, ntiyigeze avuga ko ibigo byohereza ibinyampeke mu mahanga byangijwe.
Nyuma, igisirikare cya Ukraine cyatangaje ko amato ane y’intambara y’Uburusiya, harimo amato abiri mato, yagabweho ibitero.
Ikigo gikomeye gicuruza ibinyampeke cyemeje ko ikigo cyacyo cyangijwe n’iki gitero, mu kiganiro cyahaye ibiro ntaramakuru by’Uburusiya TASS. Ni mu gihe ikindi cyabihamirije Reuters ndetse n’ikinyamakuru cyo mu Burusiya RBK .
Kugeza ubu, Uburusiya ntiburagira icyo butangaza ku byangijwe n’ibi bitero.
Ahandi muri ako gace, guverineri w'akarere ka Krasnodar, Veniamin Kondratyev, yavuze ko umuntu umwe yishwe n’ibisigazwa bya ‘drone’ byaguye hasi.
Ku rundi ruhande, Uburusiya na bwo bwagabye ibitero byo mu kirere muri Ukraine hagati yo ku wa Kabiri no ku wa Gatatu, bihitana nibura abasivili 11.
Abenshi muri bo bapfiriye mu mujyi wa Zaporizhzhia wo mu majyepfo ya Ukraine, nyuma y'uko Uburusiya buwugabyeho misile za ballistique n'ibisasu biyoborwa bishyirwa ku ndege (glide bombs).
Ku wa Gatatu, umuvugizi wa Minisiteri y’Ububanyi n’Amahanga y’Uburusiya, Maria Zakharova, yashinje Ukraine kugaba ibitero ku bikorwa remezo by’Uburusiya byifashishwa mu buhinzi no kohereza ibinyampeke mu mahanga, avuga ko ibyo bishobora gutuma ibiciro by’ibiribwa ku isi byongera kuzamuka ndetse bikongera ikibazo cy'ibura ry'ibinyampeke.
Kuva Perezida w'Uburusiya Vladimir Putin yatangiza igitero simusiga kuri Ukraine mu mwaka wa 2022, isi yakomeje guhangayikishwa n'ingaruka z'iyo ntambara ku mutekano w'ibiribwa.
Uburusiya na Ukraine biri mu bihugu byohereza hanze umusaruro munini w'ibinyampeke, bityo ibikorwa byose bihungabanya ibyambu n'inzira z'ubucuruzi bwo ku Nyanja y'Umukara bishobora kugira ingaruka ku bihugu byinshi bishingira kuri ibyo biribwa.
Izindi nkuru wasoma:
Ayandi makuru mushobora kuyakurira kuri YouTube kuri BBC News Gahuza
Mwaramutse neza!
Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'ikibiriraho.
