Dod i adnabod y cerddor gwerin Elliw Jones

Ar ôl perfformio ers nifer o flynyddoedd efo'r grŵp Tant, fe ddaeth Elliw Jones i'r amlwg dros yr haf fel enillydd Tlws Sbardun.

Yn ogystal â chanu gyda'i band, gan gynnwys ar Cân i Gymru yn 2023, mae'r cerddor gwerin o Ddyffryn Conwy hefyd yn perfformio ar ben ei hun.

Fe wnaeth Cymru Fyw ddal i fyny efo hi i gael gwybod mwy amdani hi a'i cherddoriaeth.

Un o fy atgofion cyntaf oedd cael gitâr fach pinc gan Siôn Corn ar fore 'Dolig. Roedd cerddoriaeth wastad o fy nghwmpas…

Boed yn y tŷ ar y radio, neu ar dâp neu CD yn y car. Roeddwn yn gwrando ar bob math o gerddoriaeth o Hogia'r Wyddfa, Sobin a'r Smaeliaid i Roy Orbison. Ond fy ffefryn i ganu oedd Titw Tomos Las.

Dwi bob amser wedi mwynhau cerddoriaeth, a thrwy hynny wedi dewis ei astudio fel pwnc yn yr ysgol ac yna ym Mhrifysgol Bangor ar y cyd â Chymraeg.

Roeddwn wastad yn aelod o gôr yn yr ysgol, ac rwyf bellach yn rhan o gôr Cantilena yn Llanrwst.

Roedd Taid bob amser yn hoff o ganu, yn enwedig ar nos Wener yn nhafarn y Tŷ Gwyn yn Rowen. Roeddwn i'n hoffi ymuno efo fo i ganu ei hoff gân, Caru Cymru.

Dwi'n mwynhau perfformio efo'r grŵp Tant. Daethom at ein gilydd gyntaf pan oeddwn tua 15 oed ar gwrs Gwerin Gwallgo yng Nglan-llyn.

Ers mis Chwefror eleni dwi'n gweithio i Menter Iaith Conwy. Dwi'n helpu i drefnu digwyddiadau i hybu'r Gymraeg yn ardal Abergele. Yn ddiweddar cafwyd gig llwyddiannus Twrw yn y Tarw yn y Bull.

Mae'r iaith Gymraeg yn bwysig i mi ac rwyf wrth fy modd yn perfformio trwy'r Gymraeg.

Derbyn neges Whatsapp wnes i gan aelod o'r gynulleidfa yn fy annog i gystadlu, ar ôl diddanu mewn noson Merched y Wawr lleol.

Doedd gen i fawr o hyder i feddwl cystadlu cyn hynny, ac felly pan nes i ddarganfod fy mod wedi ennill, yn amlwg roedd hyn yn sioc ac yn fraint mawr i mi.

Y briff ar gyfer y gystadleuaeth oedd ysgrifennu cân werinol ei naws. Roedd gen i syniad o alaw yn fy mhen, alaw reit syml, a meddyliais y byddai'n braf ysgrifennu am fy nghynefin. Ysgrifennais y geiriau wythnos cyn y dyddiad cau!

Dydw i erioed wedi bod yn berson hyderus, ond mae ennill y wobr hon wedi rhoi hwb i fy hyder. Bydd arian y wobr hefyd yn help tuag at gostau recordio'r gân.

Gwas Y Diafol - Dyfrig Evans. Dwi wastad yn dal fy hun yn mynd yn ôl i chwarae'r gân yma drosodd a throsodd.

Anodd ydi dewis un yn benodol… ond mae'n siŵr Bronwen Lewis, am y rheswm syml mod i'n mwynhau ei cherddoriaeth.

Mwy o gyfansoddi a gigio!

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.