KALLATTIIN, Jilli US mariif Paakistaanitti imalaa jiraatus Iraan mariin kallattii karoorfame hin jiru jette

Haguuggii Tamsaasa Kallattii

1. Sa'aatii 6 duraTigist Maaraatoonii Landanitti riikardii cabsuuf akka yaadde BBC'tti dubbatte

   

   Madda suuraa, Getty Images

   Maaraatoonii Landan Dilbata dorgomamuurratti kan dorgomtu Atileet Tigist Asaffaa kaayyoon ishee ijoo abbaa rikardii addunyaa ta'uu akka ta'e BBC'tti dubbatte.

   Gaaffiifi deebii gaazexeessaa BBC Landan jiru waliin taasifteen dorgommii kanarratti irra deebiin mo'achuu akka barbaaddu dubbatteetti.

   Tigist Maaraatoonii Landanitti maal yaadde?

2. Sa'aatii 7 duraBulchiinsi Tiraamp of eeggannoo cimaan mariitti seenaa jira

   

   Madda suuraa, Reuters

   Bulchiinsi Tiraamp akka marsaa duraanii Pirezidantii Itti Aanaa kan ta'e JD Vaansi marii nagaa Iraan waliin gaggeeffamuuf Paakistaanitti ergaa hin jiru.

   Marii marsaa kanaatti of eeggannoo cimaan seenaa akka jiru Waayit Haawus ibsaa jira.

   Amma waan warri Iraan jedhan dhagahuu qofa akka barbaadan ibsan warri Ameerikaa.

   Pirezidanti Tiraamp torbee kana keessa waliigalteen dhukaasa dhaabuu akka dheereffamu erga ibsee booda Iraan fi US mariitti deebi'u jedhamee eegamaa turus ammallee mariin hin gaggeeffamne.

   Tiraamp aanga'oonni Iraan wixinee yaadaa tokko qabatanii akka dhihaatan gaafata.

   Aanga'oonni Iraan ammoo ammallee tokkummaa akka qabanii fi yaadni fi adeemsi isaaniis tokko ta'uu ibsu.

   Ergasii uggurri naannoo Hormuuz hammaateera. Biyyoonni lameenuu marii gufateef wal himataa jiru.

   Iraan-Hormuuz- Humna galaanaa fayyadamuun ulaa cufuun hangam milkaa'a?

3. Sa'aatii 7 duraLubni Guddinaa Tumsaa Boojjii Dirmajiitti siidaan isaanii eebbifame eenyu?

   

   Madda suuraa, Kominikeeshinii Godina Wallagga Lixaa

   Siidaan Luba Guddinaa Tumsaa Lixa Oromiyaatti ijaarame bakka maatiifi keessummoonni argamanitti eebbifame.

   Godinni Wallagga Lixaa fi Faawundeeshiniin maqaa isaaniin mogga'e akka beeksisetti, siidaan duree amantaafi qabsaa'aa mirgaa turan kuni Aanaa Boojjii Dirmajii magaalaa Biilaatti ijaarame.

   Lubni Guddinaa Tumsaa Boojjii Dirmajiitti siidaan isaanii eebbifame eenyu?

4. Sa'aatii 7 duraWalaayittaatti lafti sigigaatee namoonni 4 du'an - Mootummaa

   

   Madda suuraa, Wolaita Zone Government Communication Affairs Department

   Gama Kibba Itoophiyaa Godina Walaayittaatti lafni sigigaatee lubbuun namoota afurii darbuu godinichi beeksise.

   Ibsi kominikeeshinii Godina Walaayittaa baase akka ibsutti, balaan kan dhaqqabe rooba cimaa roobeeni.

   Godinichatti aanaa Daamot gaaleetti ALI Ebla 15, 2018 halkan keessaa sa'aatii 10:00 eegalee roobni cimaa roobuu hordofee gandoota gaara Daamotaa jala jiran hube.

   Kanaanis, gandoota Wash Gaaleefi Konaasaatti lubbuun nama afur darbuutu ibsame.

   Bulchaan Godina Walaayittaa Gar/Pirof. Saamu'el Tasammaa du'a kanaan gadda ibsanii bakkeewwan kaanis akka of eeggannoo godhan ergaa dhaamaniiru.

   Bakkeewwan Kibba Itoophiyaatti sigigni lafaa waggoota muraasa darban lammiilee dhibbaan lakkaa'aman galaafateera.

   Sababoonni sigigni lafaa akka uumamu godhan maal fa'i? Akkamiin of eegna?

   

   Madda suuraa, Wolaita Zone Government Communication Affairs Department

5. Sa'aatii 7 duraUS humna galaanaa fayyadamuun Iraanitti karra cufuun hagam milkaa'a?

   Maxxansa YouTube irra dabri

   Qabiyyee Google YouTube hayyamtaa?

   Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Google YouTubeimaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.

   Accept and continue

   Hubachiisa: Qabiyyee marsariitiiwwan alaatiif BBCn itti gaafatamummaa hin fudhatu. YouTube beeksisa qabaachuu danda'a.

   Xumura maxxansa YouTube

   Waraana Addunyaa 1ffaa (1914-1919) irratti humni galanaa Biriteen dooniwwan buufatawwan doonii Jarman seenaniifi bahan irratti to'annaa cimaa gaggeessuun itti milkooftee turte.

   US ni milkooftii? Daawwadhaa!

6. Sa'aatii 9 duraAbbaas Araagchii kan Paakistaan deemaniif dhimma nukilaraa mari'achuuf miti - Iraan

   

   Ministirri Dhimma Alaa Iraan Abbaas Araagchii gara Paakistaan, Islaamaad imaleera. Garuu dhimma nukilaraa Ameerikaa waliin mari'achuuf miti jette Iraan.

   Hogganaan koree nageenya biyyaalessaa Iraan Ibraahim Aziizii ''hoji manee dhimma nukilaraan hidhata qabu fudhatanii hin deemne,'' jedhan.

   Qondaalli Iraan kun ministirri dhimma alaa ''marii dhimma Iraan fi Paakistaan ilaallatuuf'' gara Islaamaabaad imalan jedhan.

   Duraan ajajaa Eegdota Warraaqsa Islaamummaa Iraan kan turan Aziiziin dhimmi nukilaraa ''dhimma ijoo Iraan araarama irratti hin qabnedha,'' jedhan.

   US akka jettutti Iraan sagantaa nukilaraa ishee guutummaatti dhaabuu qabdi.

   Waliigalteen inni dhumaa yoos irra ga'ama jedha Tiraamp.

   Waraana US-Iraan kanaan itti aanee maaltu ta'u mala? Taateewwan ijoo afur uumamuu malan

7. 25 Ebla 2026Matakkaliitti kanneen haleellaa raawwatan eenyudha?

   

   Madda suuraa, Gilgel Beles Town Administration

   Naannoo Beenishaangul Gumuz, magaalaa Godina Matakkal kan taate Gilgal Balas keessatti haleellaa hidhattoonni bananiin namoonni torba ajjeefamuu jiraattonniifi miseensi paarlaamaa naannawa kana bakka bu'an BBCtti himan.

   Akka namoonni ijaan argan jedhanitti hidhattoonni kunnneen ''mana hidhaa magaalattii keessatti argamu cabsanii seenuuf wayita yaalan,'' dhukaasa banan.

   Haleellaa Matakkalitti raawwateen ''hojjattoonni qeeraa torba ajjeefamuu'' jiraattonni himan

8. 25 Ebla 2026Tiraamp: Iraan 'yaada dhiheessaa jirtu garuu ilaaluu qabna'

   

   Madda suuraa, Getty Images

   Pirezidantiin US Donaald Tiraamp marii Iraan waliin jiruurratti gaafa Jimaataa dubbataniiru.

   Tiraamp Rooyitarsitti akka dubbatanitti, Iraan ''yaada waliigaltee dhiheessaa jirti, garuu ilaaluu qabna'' jechuun dubbatan.

   Garuu, waan Iraan dhiheessite waan dubbatan hin qaban.

   Bilbilaan kan dubbatan Tiraamp Ameerikaan qondaalota Iraan kam waliin mari'ataa akka jirtu waan dubbatan hin qaban.

   Garuu, garee ''itti gaafatama qabu'' waliin akka ta'e dubbatan.

   Pirezidantiin US Iraan waliigalteerra gahuu barbaaddi jechuunis himan.

   Cufamuu ulaa Hormuuzin biyyoonni caalatti miidhamoo ta'an kam fa'i?

9. 25 Ebla 2026US qoqqobbii Ertiraarra kaastee hariiroo cimsachuu yaaddi - Gabaasa

   

   Yunaayitid Isteetis qoqqobbii Ertiraarra keesse kaasuun hariiroo dippilomaasii duraan Asmaraa waliin laafaa ture haaromfachuu akka barbaaddu Wall Street Journal gabaase.

   Barruu miidiyaalee Ameerikaa ciccimoo ta'an keessaa tokko ta'e kun, maddeen dippilomaasii eeruun akka gabaasetti, Waashingiten "biyya adda baafamte, garuu tarsiimootiif baayyee barbaachiftuu taate, Ertiraa" waliin hariiroo haaromsachuu barbaaddi'' jechuun gabaaseera.

   US Ertiraa waliin hariiroo tolfachuuf jechuun gaaffii ulaa galaanaa Itoophiyaaf maal jechuudha?

10. 25 Ebla 2026Abbaas Araagchiin Ajajaa waraana Paakistaan waliin mari'atan

    

    Madda suuraa, Iranian Ministry of Foreign Affairs

    Ministirri Dhimma Alaa Iraan Abbaas Araagchii ajajaa waraana Paakistaan Fiild Maarshaal Asim Munir waliin wal argan.

    Araagchiin walgahii Paakistaanitti erga taasisan booda gara Omaan fi Raashiyaa akka imalan dubbatan.

    Kaayyoon marii kanaas ''dhimma waloofi naannichaa irratti michoota keenya waliin wal ta'uf'' akka ta'e miidiyaa hawaasummaa isaaniirratti ibsan.

    Paakistaan akkamiin US fi Iraan walitti fidde?

11. 25 Ebla 2026Paakistaan marii qopheessaa jirti, qophiin US fi Iraan maal fakkaata?

    

    Madda suuraa, Getty Images

    Mariin US fi Iraan akkaan eegamaa jira. Paakistaan qophii hunda xumurtee warra mari'atan, US fi Iraan, eegaa jirti.

    Gama lamaan qophii fi kutannoon mari'achuuf jiru garuu abdachiisaa miti.

    Ministirri dhimma alaa Iraan Abbaas Araagchii Paakistaan ga'eera, US ammoo ergamtoota addaa Istiiv Witkof fi Yaared Kushinar ergaa jiraachuu ibsite.

    Waayit Haawus yoo warri Iraan marii kallattii (qondaalota US qaamaan arguun) mari'achuu barbaadan jechuun akka qondaalota kunneen erge ibseera.

    Ammoo gama Iraaniin ergaan biraa dhagahamaa jira.

    Dubbi himaan Ministeera Dhimma Alaa biyyattii Ismaa'el Baqaayi akka jedhutti Abbaas Araagchii gara Paakistaan kan imale jila Ameerikaa arguuf osoo hin taane ''qondaalota olaanoo Paakistaan waliin mari'achuuf.''

    ''Mariin kallattii Iraan fi US gidduutti karoorfame hin jiru. Iraan xiyyeeffannaa marii ishee Paaksitaan faana taasisteetti,'' jedhe qondaalli Iraan kun.

    Duratti Tiraamp qondaalonni US qaamolee dhimmi Iraan ilaallatu waliin mari'ataa akka turan ibsee ture.

    ''Iraan waan dhiistu irratti yaada kenniteetti, sana ilaaluu qabna,'' jedhe. Garuu waan Iraan dhiheessiteef hin ibsine.

    Paakistaan keessatti marii kanaaf jecha eegumsi akkaan cimeera, daandiiwwan ijoo ta'an eegumsaan guutamaniiru.

    Sababa kanatti imalli geejjibaa hedduun adda citeera.

    Bidiruuwwan xixiqqoon haleellaa raawwatan Iraan Hormuuz irratti heddumminaan bobbaaste maali?

12. 25 Ebla 2026Yooyyaa

    Tamsaasa kallattii eegalleerra. Odeeffannoo waraana US-Israa'el fi Iraan akkasumas kan Libaanos irratti xiyyeeffatan karaa kanaan isin biraan geenya.

    Odeeffannoo biyya keessaa fi addunyaa kaanis gaggabaabsinee isiniif dhiheessina.

    Nu hordofaa!

    Tamsaasa kallattii duraan ture asii argattu